About me

Nahi hai is shahar mein ab koi bhi halchal..
uske bina har raah sooni hai,har gali sooni hai…

Nahi gungunaati ab baagon mein koi koyal..
uske bina har ped soona hai,har baag soona hai..

Nahi sunayi deti ab kahin bhi shahnaayian…
uske bina sangeet soona hai,har saaz soona hai..

Nahi timtimaate ab taare bhi aasmaan mein..
uske bina dharti sooni hai,ambar soona hai..

Nahi nishan ab shabnam ka kahin hari ghaas par..
uske bina hawaayen sooni hai,fizaayen sooni hain..

Nahi khilte ab baagon mein woh kaner ke peele phool..
uske bina har umang sooni hai,har rang soona hai..

Nahi bacha shayad kuchh bhi ab zindagi mein…
uske bina mera dil soona,meri rooh sooni hai..